張沛樂(沙律)濕身激突大解放 巴打:條女尺度愈嚟愈大

夏天為大地帶來美少女寫真集,一年一度書展告終啫,好彩暑假仲未完,去沙灘行番轉,隨時見到實體少女曬日光、6D寫真擺在面前任睇唔嬲!




日前,女神沙律 (張沛樂) 就撇甩男友林耀聲去到淺水灣曬番一身健康膚色又補充吓維他命D。今年同趙詠瑤合體推出寫真《閨蜜遊記》人氣工作量都急升,沙律話做好準備出年書展再嚟過:「男朋友都支持我,下一本會自己一個人影,唔使就住就住可以再激啲!」

沙律 玩角色扮演




同上位男星林耀聲拍拖兩年、不時晒恩愛,打風都打唔甩咁滯,最難得係男友生活上對沙律呵護備致,不過工作上就從來都支持同尊重女友決定,包括今年書展本《閨蜜遊記》同出年單拖再上陣的寫真大計。感情好啫,又唔使下下糖黐豆全程貼實嘅,日前本刊就發現沙律一個人、帶住一條毛巾一張蓆,薄施脂粉去到淺水灣曬足半日太陽。

E級女神沙律出完寫真原來仲未晒夠身材,日前一個人比堅尼上陣,去到淺水灣沙灘曬足半日太陽。




「一個人可以放啲!」

本刊致電沙律,原來男友天生黑底唔敢再曬、自己就寫真集後工作量暴增搞到休息不足精神欠佳,所以一有空嗱嗱聲補充吓維他命D喎:「寫真印咗2,000本,書展已經賣咗1,600本,剩番喺書局賣都就嚟斷貨,好滿意呢個結果。其實拍完呢本,我都已經同公司傾緊想搵唔同團隊合作出年再影,到時就會係自己一個人影,唔使就住就住、多啲自由度,可以再放啲。尺度方面,都係三點式,不過主題我覺得可以玩好多嘢,最想就係制服、cosplay、唔同角色乜都試吓,滿足吓自己又可以畀人哋見到我可塑性好高,搵我做唔同角色。我做啲咩,男朋友都好支持從來唔會唱反調。雖然佢份人唔出聲,成個話題終結者咁,但有時見到佢拍戲會不知不覺演繹咗我哋生活小細節,我覺得大家一直互相影響,真係好幸福!」騷完半球大解放完再順手放吓閃,日光加埋閃光彈襲擊,好曬呀!

樣靚身材正,唔知係唔係怕惹閒雜人等撩,沙律選擇咗人少地偏的樹邊曬太陽,全程唔係戴超就低頭玩電話,果然冇被認出。




曬完太陽洗身沖走啲沙係指定動作,嗱嗱嗱,呢一幕連今年買咗本寫真的忠實fans都唔會見到!

一個人冇人幫,要就住啲風向同沙鋪蓆博鬥係就係狼狽啲,不過最緊要沙律真身唔使美圖已經fit到漏!




撞泳衣出位

今年書展同趙詠瑤合出寫真《閨蜜遊記》,除咗E級身材,最多人講絕對係竟然同楊思琦撞埋同款淘寶泳衣。




人氣急升

本來已經話題多多工作邀約亦不少,推出寫真後沙律模特兒及演員工作更變得搶手。剛剛推出全新啤酒廣告,自爆又有幾個產品洽談中。

去年完成網劇《向西聞記》同邵氏出品《蝕日風暴》後,原來張建聲新戲《作家的謊言》又有沙律份,同陳浩民有對手戲。




沙律 Kimi閨蜜遊記 台灣鬥胸狠

宅男女神張沛樂(沙律 Charlotte)有靚樣兼33E逼爆身材,加埋對白滑長腿,真係非常煞食!佢早前同好姊妹趙詠瑤(Kimi)一齊去台灣嚟個閨蜜遊,為寫真集《閨蜜遊記》影靚相,雖然話係旅遊書,不過大家知道重點係咩啦!







胸戰: 33E vs 32D

期間沙律同Kimi忍唔住提早些牙靚相,圖中見到兩人以水著胸貼胸相擁,沙律33E上圍頂住Kimi32D上圍,呢一場「胸戰」打和啦!




兩人外面似係套住件白色恤衫,更突顯出佢哋白滑肌膚,若隱若現別有魅力,加埋回眸一笑呢招,正!




沙律同Kimi仲有三個唔同系列的造型,全部都係咁靚!

1. 噴血小雲風




2. 傻系雪糕風




3. 戰鬥民族風













Cap by:東方新地



發表迴響

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料