【再爆】奸夫都唔係BB個老豆?! 救護員綠到落腳趾尾




今日最爆嘅新聞,一定係呢單「帽事」!據《壹週刊》報導,一名37歲救護員阿可公開家醜,自爆老婆勾佬,仲同個奸夫生埋B!成單嘢最賤係,原來佢老婆唔止喺外面收埋個奸夫,仲要夾埋外家一齊呃9佢!真係慘絕人寰!




「我老婆生仔,爸爸不是我!」

阿可除咗接受週刊訪問,亦都有喺連登以千字文,爆晒成件事嘅來龍去脈:說話阿可喺2014同阿豆註册結婚,2016年補擺喜酒,之後就一齊展開新生活,愛錫老婆嘅佢,做晒家務之餘,仲包晒結婚同埋屋企嘅開支,舊年阿豆有咗BB,當佢以為幸福降臨⋯⋯點知BB個老豆疑似係一個名為周邦嘅奸夫,但係阿可一直懵然不知,直到奸夫陪埋阿可入產房,成件事先穿煲!




阿可、阿豆、奸夫周邦呢段關係,並唔係一段三角關係,仲有一個「第四者」!就係周邦個老婆,佢哋仲要有個女,真係七國咁亂!而成件事最恐怖嘅係,阿豆嘅外家一直都知道個女「一妻侍兩夫」,而且周邦同女家關係良好,母親節仲一齊食飯慶祝,比身為女婿嘅阿可更「融入家中」!阿可一直被阿豆同佢屋企人呃足至少兩年,極心寒!極醜惡!




「帽事」爆煲後,阿豆已經帶埋BB走佬,仲搞緊離婚,不過佢就唔認自己同周邦通姦,亦唔肯同BB驗DNA,BB由舊年11月出世至今,都未攞出世紙,真係唔知點收科了!周邦亦都同太太離咗婚,至於慘被派帽嘅阿可,就差啲連間屋都俾阿豆外家霸埋,佢將呢段經歷寫晒上連登,網民睇完都話,呢啲情節真係連葉念琛都拍唔出!廣告

連登原文《做女唔容易,一女侍幾夫》

【2014年】阿可、阿豆註冊結婚




【2016年3月12日】阿可、阿豆補擺喜酒

【2017年5月12日】阿豆、周邦喺沙田新城巿廣場明珠閣為豆媽慶祝母親節,當晚阿可返通宵更

最左邊嗰位就係「疑似奸夫」周邦




【2017年】阿豆、周邦合照

【2017年】阿豆喺 whatsapp 直呼周邦做「老公」




阿可同阿豆家人食飯

阿豆又帶埋周邦出席親友聚會,相信佢哋嘅關係一早已經公開




【2018年11月】大咗肚嘅阿豆同阿可合照

奸夫底已起!

咁多花生食,網民就最興奮啦!




呢位巴打金句連連!

推到對奸夫淫婦仆街!




召換「鷲哥」!!

有巴打就諗返起插畫家Cuson Lo舊年慘被「港女老婆」派帽

咦?呢位巴打有料爆?BB個老豆唔通唔係周邦?




唔肯驗DNA,一定有古怪!

呢個劇情真係《獨家試愛》編劇都寫唔出!

地下真係有好多嘢執㗎!

Cap by 連登、網上圖片



發表迴響

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料