中三出黎做地盤,由2萬做到12萬一個月。宜家我28歲,揸住2層樓喇,中學班讀書人而家仲得萬幾蚊收入




而家見到D DSE雞係度努力讀書話想入U

我真係笑而不語,我話你聽你入U唔係入神科根本就無用!

出到黎我諗份人工仲少過茶餐廳D洗碗阿姐,仲要受上司氣,又要玩辨公室政治。

你或者會話:「有大學學歷上位會易D。」

你都痴Q線!學歷呢D野係你開始做野之後兩年已經無用,D人只係會睇你工作經驗




同埋你既刷鞋能力而決定比唔比你上位。

話說我公司有個Hi Hi刷鞋仔平時又唔做野,但係做左唔夠一年已經騎係我頭上便。

所以你要上位根本唔係睇你能力,睇你識唔識做狗。

係職場上你做到小夫咁,我敢話你係無敵

但係Hi Auntie!係呀!我死都唔係放低我尊嚴呀!

我大丈夫頂天立地,絕不為五斗米折腰,加個幾千蚊人工就想我幫你食屎?!我呸!




我而家就唔撈去做地盤佬……

做地盤有咩好處?真係多籮籮!

第一:你讀建造業課程唔洗比學費不特止仲有每月三千幾蚊津貼

唔向左走向右走使好似D大學生咁讀完3,4年仲要咩住幾廿萬數




第二:人工高,入職就一千蚊左右一日,你做足30日就有3萬

多勞多得。當D大學生仲咩緊數既時候,你已經有一百萬渣手,人生贏家

第三:地盤佬直腸直肚,唔會笑裡藏刀,比起辦公室DHi Hi仔真誠好多

鍾意Hi就Hi,唔會帶面具做人,同呢D人翻工,談笑風生,舉杯暢飲

好比回到三國,和豪傑張翼德飲酒咁。何不快活?!

第四:做地盤好比免費做GYM,鍾意做GYM既巴打不妨一試,

到時練到好似彭於晏咁大隻,話唔埋可以祕撈埋MODEL TIM!

所以話,年青人

識諗既,應該一中學畢業就做地盤佬……



發表迴響

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料