40歲對男人嚟講係最黃金嘅時期，呢個時間嘅佢哋有特有嘅成熟和魅力。現已39歲嘅男網民直至今日從未拍過拖，即是所謂的A0。佢有曾經勇敢追愛，但奈何情路崎嶇，令佢不禁感到好灰，大叫「有邊個唔想拍拖」！
呢名男網民一直以嚟都想拍拖，亦有心去識女朋友，想同一般嘅情侶一樣拍拖，行街、睇戲、食飯。平日喺街上見到拖住手嘅情侶，都令佢覺得非常葡萄，不過「這些機會不屬於我」，咁多年來一直都得個睇字。
到底問題出咗係邊？網民就話樣同生活係最大原因，佢指出一般香港女人都會睇樣睇身材，不過呢兩樣自己都無，仲話自己個樣同八兩金差唔多，幽默感同財富方面仲差過八兩金添！
呢日佢鼓起勇氣，喺超過一百人面前當街同愛慕多年嘅Coco示愛！可惜對方並無要交往嘅意思，Coco嘅朋友更恥笑網民，要佢比出屋匙以表誠意。
一次又一次被拒絕，網民除咗既難堪更多嘅係失望，唯有希望佢可以快啲搵到真名天女啦！
