近年Eason陳奕迅較少喺香港出席公開活動，不過佢仍然「老是常出現」，繼早前喺俄羅斯世界盃現場被「野生捕獲」之後，佢最近獲邀又去咗倫敦，睇溫布頓網球賽，仲要接受埋外媒訪問，大曬流利嘅英式英文，跟主持人笑風談生，好鬼風騒，網民都話：「除咗唱歌，聽Eason講英文都係一種享受！」
Eason陳奕迅受訪
Eason陳奕迅繼早前喺俄羅斯世界盃現場被「野生捕獲」之後，最近獲邀又去咗倫敦，睇溫布頓網球賽，仲要接受埋外媒訪問。
「舉中指」事件
雖然早前Eason獲廣告商邀請去俄羅斯睇世界盃時，曾發生疑似同在場觀眾爭執「舉中指」事件，不過都無損Eason心情。
之後擔任嘉賓，頒獎俾喺「阿根廷對冰島」賽事之中獲得最佳球員（Man Of the Match）嘅冰島門將荷杜臣。
Eason獲邀頒獎。
獲邀觀賞溫布頓網球賽
睇完世界盃，話咁快又轉戰倫敦睇溫布頓，一身西裝筆挺，充滿英倫紳士style！
Eason都忍唔住喺FB、IG同粉絲分享呢次旅程嘅相片
以流利英語受訪
以流利英語FOX的亞洲體育頻道訪問，表示自己係網球明星費達拿（Roger Federer）嘅球迷。
期間仲應主持人要求大開金口，唱咗幾句皇后樂隊（Queen）嘅名作《We Are The Champions》，賀祖高域（Novak Djokovic）奪標。
訪問期間，high爆嘅Eason手勢、表情多多，更驚現「陶大宇式掩面」 動作。
