ViuTv《晚吹》大爆空姐性暗號 原來識講呢句就代表食得？
空姐可能係連登仔最鍾意嘅職業，無論係唔係，好多時空姐都係靚女嘅代名詞。溫柔體貼嘅佢地到底有啲咩秘密？今次ViuTv《晚吹》就請咗幾個空少，從男性嘅角度，為大家拆解一下隱藏喺天空中嘅秘密。
今次請幾個空少返黎講下呢行嘅秘密，用一個全新嘅角度大爆天空嘅秘密！
佢地先提到做空少嘅辛酸：
1. 親戚同屋企人以為會做唔長，覺得佢地讀到大學點解要做派餐，人工又唔多
2. 成日比人誤會無所事事、周圍去旅行
3. 身邊朋友鬧太多假期
不過唔講又真係唔知，原來做空姐空少係唔會幫乘客搬行李架，因為如果有損失航空公司係唔會負責，所以好多時佢地都會扮有嘢做，避開「奧客」要求幫手搬行李。
另外，天空上寂寞難耐可以點？有空少大爆，天空中有默認嘅規矩，如果想要搵食就可以係名牌到痴貼紙，咁就代表可以食得。如果被人問到就要答暗號：「hotandspicy」，咁就代表一陣先去酒店飲下咖啡，深入咁傾下心事。因為大家機上好多時都係第一次見，都會驚尷尬唔敢直接問，所以呢兩個動作就最直截了當。
做過空姐空少既網民對就表示未聽過有啲咁嘅事，唔知係真心未聽過，定係扮未聽過？
肥仔黎就覺得呢啲可能係行內秘密，係唔可以認嘅，下次搭飛機等肥仔黎執正下自己，試下呢個通關密語先。
以下是空姐黃樂樂的美照
